वडगाव नगरपंचायत निवडणूक–२०२५ : आज अखेर ८९ नामनिर्देशन पत्र दाखल
वडगाव, दि. १७ नोव्हेंबर २०२५ वडगाव नगरपंचायत सार्वत्रिक निवडणूक–२०२५साठी नामनिर्देशन सादरीकरणाचा आज शेवटचा दिवस असून, नगराध्यक्ष आणि नगरसेवक पदांसाठी एकूण ८९ नामनिर्देशनपत्रे दाखल झाल्याची माहिती निवडणूक विभागाने दिली.
मा. राज्य निवडणूक आयोगाने दि. ४ नोव्हेंबर रोजी जाहीर केलेल्या निवडणूक कार्यक्रमानुसार, वडगाव नगरपंचायत कार्यालयात आज शेवटच्या दिवशी उमेदवारांनी मोठ्या संख्येने उपस्थित राहून अर्ज दाखल केले. आज एका दिवसातच नगराध्यक्ष पदासाठी ५ अर्ज, तर नगरसेवक पदासाठी ६५ अर्ज प्राप्त झाले. आज अखेर नगराध्यक्ष (महिला आरक्षण) पदासाठी एकूण ७ नामनिर्देशनपत्रे दाखल झाली. त्यामध्ये—
नगराध्यक्ष पदासाठी ७ उमेदवारांकडून नामनिर्देशन
1. मृणाल गुलाबराव म्हाळसकर – २ अर्ज
2. वैशाली पवन उदागे
3. अबोली मयूर ढोरे
4. सुनंदा गुलाबराव म्हाळसकर
5. सायली रुपेश म्हाळसकर
6. शेख नाजमाबी अल्ताफ
नगरसेवक पदासाठी ८२ अर्ज
नगरसेवकांच्या १७ जागांसाठी महिला ४० व पुरुष ४२ असे एकूण ८२ नामनिर्देशनपत्रे दाखल झाली आहेत.
प्रभागनिहाय नामनिर्देशन आकडेवारी
प्रभाग १ – ४
प्रभाग २ – ६
प्रभाग ३ – ७
प्रभाग ४ – ३
प्रभाग ५ – ६
प्रभाग ६ – ६
प्रभाग ७ – ६
प्रभाग ८ – ४
प्रभाग ९ – ८
प्रभाग १० – २
प्रभाग ११ – ५
प्रभाग १२ – ३
प्रभाग १३ – ८
प्रभाग १४ – ३
प्रभाग १५ – ३
प्रभाग १६ – ५
प्रभाग १७ – ३
मतदार जनजागृती उपक्रमाला प्रतिसाद
निवडणुकीच्या पार्श्वभूमीवर नागरिकांमध्ये मतदानाबाबत जागरूकता वाढवण्यासाठी नगरपंचायतीच्यावतीने विविध SVEEP उपक्रम राबविण्यात येत आहेत.
शहरातील महाविद्यालये तसेच गर्दीच्या भागांत LED स्क्रीन व्हॅनद्वारे मतदानाचे महत्त्व पटवून दिले जात असून, नागरिकांकडून मतदार प्रतिज्ञा देखील घेण्यात येत आहे.
निवडणूक प्रशासनाची प्रभावी तयारी
संपूर्ण निवडणूक कार्यक्रमाचे नियोजन व अंमलबजावणी श्रीमती मनिषा तेलभाते, निवडणूक निर्णय अधिकारी, तसेच डॉ. प्रविण निकम, सहायक निवडणूक निर्णय अधिकारी यांच्या मार्गदर्शनाखाली पार पाडली जात आहे.
