शरद पवार यांच्याकडून कृष्णराव भेगडे यांच्या कुटुंबीयांचे सांत्वन
तळेगाव दाभाडे: ज्येष्ठ नेते शरद पवार यांनी मावळचे माजी आमदार कृष्णराव भेगडे यांच्या कुटुंबीयांची भेट घेत त्यांचे सांत्वन केले. माजी आमदार कृष्णराव भेगडे यांचे सोमवार दिनांक ३०जून २०२५ रोजी वयाच्या ८६ व्या वर्षी निधन झाले. शरद पवार यांचे निष्ठावान सहकारी म्हणून कृष्णराव भेगडे यांची ओळख होती. कृष्णराव भेगडे यांच्या निधनानंतर शरद पवार यांनी पत्नी प्रतिभाताई पवार यांच्यासह भेगडे कुटुंबीयांची भेट घेऊन त्यांचे सांत्वन केले.
शरद पवार यांनी कृष्णराव भेगडे यांच्या प्रतिमेस पुष्पहार अर्पण करून श्रद्धांजली व्हायली. यावेळी भेगडे कुटुंबीयांनी शरद पवार व कृष्णराव भेगडे यांच्यातील जुने क्षण संग्रहित असलेले काही छायाचित्रे दाखवली त्या आठवणींनी शरद पवार हि काही क्षण भावविवश झाले व त्यांनीही आपल्या जुन्या सहकारी भेगडे यांच्या आठवणींना उजाळा दिला.
सर्वसामान्यांच्या प्रश्नावर सकारात्मक भूमिका घेणारा लढवय्या मावळा हरपला. त्यामुळे समाजाचे मोठे नुकसान होत आहे. कृष्णराव भेगडे यांचे समाजोपयोगी काम अखंडपणे चालू ठेवा हि कृष्णराव भेगडे यांना खरी श्रद्धांजली ठरेल असे विचार शरद पवार यांनी यावेळी व्यक्त केले.
कै कृष्णराव भेगडे यांची कन्या राजश्री म्हस्के, जावई राजेश म्हस्के, माजी मंत्री मदन बाफना, राष्ट्रवादी काँग्रेस पक्ष (अजित पवार) मावळ तालुका अध्यक्ष गणेश खांडगे, इंद्रायणी विद्या मंदिर संस्थेचे अध्यक्ष रामदास काकडे, श्री संत तुकाराम महाराज सहकारी साखर कारखान्याचे संचालक बापूसाहेब भेगडे, कै. माजी आमदार कृष्णराव भेगडे यांचे पुतणे उद्योजक आनंद भेगडे, उद्योजक नंदकुमार शेलार, ज्येष्ठ नेते बबनराव भेगडे, राष्ट्रवादी काँग्रेस पक्ष( शरद पवार) मावळ तालुका अध्यक्ष दत्तात्रय पडवळ, कै कृष्णराव भेगडे यांचे भाचे चंद्रकांत काकडे, तानाजी काकडे, अशोक काकडे, विश्वनाथ वाजे, राजेंद्र घोजगे आदी जण उपस्थित होते.
प्रतिनिधी =गणेश नामदेव भेगडे. ९९२१८०७०११
