१९ ऑगस्ट रोजी तळेगाव दाभाडे पोलीस स्टेशन हद्दीतील सर्व गणेश मंडळांच्या बैठकीचे आयोजन
तळेगाव दाभाडे : आगामी गणेशोत्सवाच्या अनुषंगाने तळेगाव दाभाडे पोलीस स्टेशन हद्दीतील सर्व गणेश मंडळांची तसेच शांतता कमिटी सदस्य, महिला दक्षता समिती सदस्य, पत्रकार बांधव, ग्राम सुरक्षा दल सदस्य, व्यापारी उद्योजक समिती सदस्य यांची मंगळवार दिनांक १९ ऑगस्ट २०२५ रोजी सायंकाळी ६: वाजता एकत्रित बैठक तळेगाव दाभाडे येथील सुशीला मंगल कार्यालयात आयोजित करण्यात आली आहे.
या बैठकीस मा पोलीस उपायुक्त परिमंडळ २ पिंपरी चिंचवड तसेच मा सहाय्यक पोलीस आयुक्त देहूरोड विभाग हे उपस्थित राहणार आहे. आगामी गणेशोत्सवामध्ये साऊंड सिस्टिम चा वापर. गणेश उत्सवामध्ये काय करावे काय करू नये यावर मार्गदर्शन करण्यात येणार आहे.
तसेच या बैठकीमध्ये गणेशोत्सवामध्ये परवानगी कशी घ्यावी यावरही मार्गदर्शन करण्यात येणार आहे. तरी सर्वांनी या बैठकीस वेळेवर उपस्थित राहावे असे आवाहन तळेगाव दाभाडे पोलीस स्टेशनचे वरिष्ठ पोलीस निरीक्षक कन्हैया थोरात यांनी केले आहे.
प्रतिनिधी =गणेश नामदेव भेगडे. ९९२१८०७०११
