प्रसिद्ध व्याख्याते विवेक गुरव यांना स्टार आयकॉन पुरस्कार जाहीर
वडगाव : मावळ तालुक्यातील सुप्रसिद्ध व्याख्याते विवेक गोविंदराव गुरव यांना त्यांच्या कार्यकर्तृत्वाबद्दल या वर्षाचा मानाचा समजला जाणारा स्टार आयकॉन पुरस्कार जाहीर करण्यात आला आहे. पुणे येथील लोकशाहीर अण्णाभाऊ साठे सभागृहात सोमवार दिनांक १८ ऑगस्ट २०२५ रोजी सायंकाळी ५:ते सायंकाळी ७:३० वाजता होणाऱ्या कार्यक्रमात हा स्टार आयकॉन पुरस्कार भास्कर भूषण यांच्या १४ वर्धापन दिनानिमित्त गुरव यांना प्रदान करण्यात येणार आहे.
गुरव यांना त्यांच्या कार्याबद्दल आतापर्यंत राज्यातील अनेक संस्थांनी राज्यस्तरीय पुरस्कार बहाल केले आहे. गुरव यांनी आत्तापर्यंत महाराष्ट्रात आठ हजारापेक्षा जास्त विषयावर व्याख्याने देऊन समाज प्रबोधन केले आहे. यशदा या शासकीय संस्थेमध्ये ते मास्टर ट्रेनर असून अनेक शासकीय अधिकाऱ्यांना त्यांनी प्रशिक्षित केले आहे.
तसेच अनेक प्रशासकीय व निमशासकीय व्यक्तींना अनेक विषयावर गुरव हे सातत्याने मार्गदर्शन करतात. त्यांच्या या कार्याची दखल घेऊनच या वर्षाचा स्टार आयकॉन हा मानाचा पुरस्कार गुरव यांना जाहीर करण्यात आला आहे. यापूर्वी देखील विवेक गुरव यांना भारतरत्न डाॅ बाबासाहेब आंबेडकर भारत भूषण राष्ट्रीय पुरस्कार, राष्ट्रीय कलारत्न पुरस्कार, राज्यस्तरीय संवाद रत्न पुरस्कार, राज्यस्तरीय आदर्श व्याख्याता पुरस्कार, राज्यस्तरीय समाज भूषण पुरस्कार, राज्य युवा भूषण पुरस्कार, राज्यस्तरीय संत गाडगेबाबा पुरस्कार, राज्यस्तरीय सरस्वती विद्यारत्न पुरस्कार, राज्य समाज रत्न पुरस्कार, मावळ रत्न पुरस्कार, मावळ भूषण पुरस्कार, लोकराज्य न्यूज चैनल ने२०२५ महाराष्ट्र भूषण पुरस्कार आदी पुरस्काराने त्यांना गौरवण्यात आले आहे.
अत्यंत मानाचा समजला जाणारा स्टार आयकॉन पुरस्कार जाहीर झाल्याने विवेक गुरव यांचे संपूर्ण मावळ तालुक्यातून अभिनंदन होत आहे.
प्रतिनिधी =गणेश नामदेव भेगडे. ९९२१८०७०११
