मावळ तालुका राष्ट्रवादी काँग्रेस पक्षाची महत्वपूर्ण बैठक मंगळवारी वडगाव मावळ येथे
मावळ (प्रतिनिधी): तळेगाव दाभाडे नगरपरिषद इमारत उद्घाटन सोहळा तसेच आगामी स्थानिक स्वराज्य संस्था निवडणुकीच्या पार्श्वभूमीवर मावळ तालुका राष्ट्रवादी काँग्रेस पक्षाची एक महत्वपूर्ण बैठक आयोजित करण्यात आली आहे.
ही बैठक मंगळवार, दिनांक १४ ऑक्टोबर २०२५ रोजी सकाळी ९.०० वाजता शासकीय विश्रामगृह, वडगाव मावळ येथे होणार असून, बैठकीच्या अध्यक्षस्थानी मावळचे आमदार सुनील शेळके राहणार आहेत.
या बैठकीस मावळ तालुक्यातील आजी-माजी लोकप्रतिनिधी, सुकाणू समिती सदस्य (मावळ, आंदर मावळ, नाणे मावळ, पवन मावळ), तसेच लोणावळा, तळेगाव दाभाडे, देहूरोड, वडगाव मावळ, कामशेत, देहू शहर येथील सर्व पदाधिकारी उपस्थित राहणार आहेत.
याशिवाय महिला, युवक, विद्यार्थी आघाडी, सर्व सेल अध्यक्ष व पदाधिकारी, संत तुकाराम सहकारी साखर कारखाना संचालक, खरेदी विक्री संघ, कृषी उत्पन्न बाजार समिती पदाधिकारी, तसेच आगामी निवडणुकीतील इच्छुक उमेदवार व समर्थक यांना उपस्थित राहण्याचे आवाहन करण्यात आले आहे.
बैठकीत तळेगाव नगरपरिषद इमारत उद्घाटन सोहळ्याचे नियोजन, स्थानिक निवडणुकीसाठी पक्षाची रणनीती, संघटनात्मक बळकटीकरण, तसेच मावळ तालुक्यातील विकासात्मक प्रश्नांवर चर्चा होणार असल्याचे समजते.
ही माहिती मावळ तालुका राष्ट्रवादी काँग्रेस पक्षाचे अध्यक्ष गणेश वसंतराव खांडगे यांनी दिली असून, सर्व कार्यकर्त्यांनी वेळेवर उपस्थित राहावे, असे आवाहन त्यांनी केले आहे.
