लोणावळ्याच्या विकासरथाला नवा वेग — ‘ताई’ आणि ‘भाऊ’ हातात हात घालून विकासासाठी सज्ज
लोणावळा — डोंगरराईत दडलेली ही पर्यटननगरी आज पुन्हा एकदा राजकारणाच्या केंद्रस्थानी आली आहे. कारणच तसं मोठं आहे — भांगरवाडी प्रभाग क्रमांक सातमधून भारतीय जनता पक्षाने माजी नगराध्यक्षा सुरेखाताई जाधव आणि शहराच्या जनतेच्या मनात घर केलेले देविदासभाऊ कडू या दोन लोकप्रिय नेत्यांना एकत्र उमेदवारी देऊन विकासाचा “महामेळावा” घडवून आणला आहे.
ही जोडी म्हणजे दोन चाकं एकाच दिशेने फिरू लागलेली — अनुभव आणि जनसंपर्क, सौजन्य आणि कार्यशक्ती, नेतृत्व आणि लोकभावना यांचा संगम! यापूर्वी कधी नव्हे इतकी उत्सुकता शहरात निर्माण झाली आहे. “ताई आणि भाऊ” यांचं एकत्र येणं हे केवळ राजकीय समीकरण नाही, तर लोणावळ्याच्या भविष्यासाठी आशेचा किरण ठरलं आहे.
गेल्या काही वर्षांत शहराने पर्यटन, नागरीकरण आणि पायाभूत विकासाच्या आघाड्यांवर झपाट्याने बदल पाहिले. पण नागरिकांच्या अपेक्षा त्याहून झपाट्याने वाढल्या. रस्ते, पाणी, स्वच्छता, वाहतूक, आणि रोजगार यांसारख्या प्रश्नांनी डोके वर काढले. अशा वेळी जनतेला आपल्या मनाचा ठाव घेणारे, तळमळीने काम करणारे नेतृत्व हवे होते — आणि आता ते नेतृत्व ‘ताई-भाऊ’ यांच्या रूपाने एकत्र आले आहे.
सुरेखाताई जाधव यांच्या कार्यकाळाने शहराला विकासाची नवी दृष्टी दिली, तर देविदासभाऊ कडू यांनी जनतेशी थेट संपर्क ठेवत संघटनशक्तीचा उत्तम वापर केला. दोघांनीही राजकारणाला लोकसेवेचं रूप दिलं — हेच त्यांच्या लोकप्रियतेचं रहस्य.
भाजपने या जोडीद्वारे दिलेला स्पष्ट संदेश सर्वांपर्यंत पोहोचला आहे — “व्यक्ती नव्हे, विकास हाच आमचा धर्म!” मतभेद असले तरी विकासाच्या मार्गावर एकत्र चालणं हीच खरी लोकसेवेची कसोटी आहे.
लोणावळा आज केवळ एक पर्यटननगरी नाही, तर हजारो नागरिकांच्या आशा-अपेक्षांचं केंद्र आहे. शहराला आधुनिक सुविधा, स्वच्छ वातावरण, आणि रोजगाराच्या संधी देण्यासाठी हे एकत्र नेतृत्व नवी दिशा देऊ शकेल, अशी ठाम अपेक्षा नागरिकांतून व्यक्त होत आहे.
जर ‘ताई’ आणि ‘भाऊ’ यांनी परस्परांच्या अनुभवाचा आणि ऊर्जेचा समन्वय साधला, तर लोणावळा फक्त नकाशावरच नाही तर विकासाच्या नवनव्या मापदंडांवर झळकणारं शहर ठरेल.
आज लोणावळा बोलतंय — “ताई आणि भाऊ एकत्र आले, आता विकासाला नवी गती मिळणार हे नक्की!
प्रतिनिधी=गणेश नामदेव भेगडे.मो९९२१८०७०११
