कांब्रे कोडिवडे ग्रुप ग्रामपंचायत च्या सरपंच पदी पिंकी राऊत यांची बिनविरोध निवड
कामशेत : नाणे मावळ विभागातील कांब्रे कोडिवडे ग्रुप ग्रामपंचायत सरपंच पदी शेतकरी कुटुंबातील पिंकी हेमंत राऊत यांची बिनविरोध निवड करण्यात आली. मावळते सरपंच स्वामी गायकवाड यांचा कार्यकाळ पूर्ण झाल्याने त्यांनी राजीनामा दिल्याने रिक्त झालेल्या सरपंच पदासाठी ग्रामपंचायत कार्यालयात सोमवार दिनांक २१जुलै २०२५ रोजी ग्रामसभा घेण्यात आली. या सभेत पिंकी राऊत यांची सरपंच पदी बिनविरोध निवड जाहीर करण्यात आली. निर्णय अधिकारी म्हणून ग्रामसेवक चव्हाण भाऊसाहेब यांनी काम पाहिले.
बिनविरोध निवड जाहीर होतात पिंकी राऊत यांच्या समर्थकांनी फटाके व गुलाल उधळत आपला आनंद साजरा केला. यावेळी बोलताना नवनिर्वाचित सरपंच पिंकी राऊत म्हणाल्या की गावकऱ्यांनी आपल्यावर दाखवलेल्या विश्वासाला कधीही तडा जाऊ न देता गावच्या विकासासाठी सदैव प्रयत्न करेन. सर्व ग्रामपंचायत सदस्यांना बरोबर घेऊन गावच्या विकासासाठी प्रयत्नशील राहणार आहे.
या वेळी ग्रामसेवक चव्हाण भाऊसाहेब, माजी सरपंच स्वामी गायकवाड, सुवर्णा गायकवाड. सामाजिक कार्यकर्ते सोमनाथ गायकवाड, कविता बाबाजी गायकवाड, किरण लक्ष्मण गायकवाड, आजी माजी सरपंच, उपसरपंच, सदस्य. कांब्रे कोडिवडे ग्रामस्थ मोठ्या संख्येने उपस्थित होते.
प्रतिनिधी =गणेश नामदेव भेगडे. ९९२१८०७०११
