जनतेच्या सेवेसाठी पुन्हा एक पाऊल पुढे.
कामशेत :आमदार सुनील शेळके यांच्या आमदार निधीतून तब्बल २५ लाख रुपयांच्या खर्चाने उभारण्यात येणाऱ्या खामशेत स्मशानभूमी विकासकामाचे भूमिपूजन आज उत्साहात व भावनिक वातावरणात पार पडले.
गावकऱ्यांच्या अनेक वर्षांच्या प्रतीक्षेला आज अखेर पूर्णविराम मिळाला. गावाच्या हद्दीत एक सुसज्ज स्मशानभूमी उभी राहणार असल्याने ग्रामस्थांच्या मनात समाधानाची भावना दाटून आली आहे.
या भूमिपूजनाचा शुभारंभ कामशेत चे सरपंच रुपेश गायकवाड, उपसरपंच अंजना मुथा, तसेच ग्रामपंचायत सदस्य व मान्यवरांच्या हस्ते करण्यात आले.या वेळी उपस्थित नागरिकांनी आमदार सुनील शेळके यांच्या लोकहिताच्या दृष्टिकोनाबद्दल कृतज्ञता व्यक्त केली.
ग्रामपंचायत सदस्यांनी सांगितले की, “ही केवळ विकासकामाची सुरुवात नाही, तर गावाच्या संस्कारांचा, एकतेचा आणि परंपरेचा सन्मान आहे.
स्मशानभूमी हा प्रत्येक समाजाचा आवश्यक घटक असतो आणि त्याचे सुशोभीकरण ही केवळ सुविधा नव्हे, तर आपल्या पूर्वजांप्रतीचा आदर आहे. आमदार शेळके यांच्या या उपक्रमामुळे खामशेत ग्रामस्थांच्या मनात पुन्हा एकदा लोकप्रतिनिधीवरील विश्वास दृढ झाला आहे.
प्रतिनिधी=गणेश नामदेव भेगडे.मो९९२१८०७०११
