ज्येष्ठ पत्रकार. रंगकर्मी. पंडित सुरेश साखवळकर यांना कै बबनराव गोखले अखंड नाट्य सेवा पुरस्कार
तळेगाव दाभाडे : येथील साप्ताहिक अंबर वृत्तपत्राचे मुख्य संपादक. ज्येष्ठ पत्रकार. नाट्य अभिनेते. पंडित. सुरेश कृष्णाजी साखवळकर यांना अखिल भारतीय नाट्य परिषद शाखा पुणे यांच्या ४८व्या वर्धापन दिनानिमित्त कैलासवासी बबनराव गोखले अखंड नाट्य सेवा पुरस्कार सोमवार दिनांक २६ मे २०२५ रोजी पुण्यात बालगंधर्व रंग मंदिरात झालेल्या कार्यक्रमात हा पुरस्कार देण्यात आला.
पन्नास वर्षापेक्षा अधिक काळ नाट्य सेवा केल्याबद्दल त्यांना हा पुरस्कार देण्यात आला. यावेळी प्रसिद्ध नाट्य अभिनेते प्रशांत दामले, प्रसिद्ध नाट्य अभिनेते डाॅ गिरीष ओक, अखिल भारतीय नाट्य परिषद पुणे शाखेचे अध्यक्ष मेघराज राजे भोसले, प्राध्यापक जयंत जोर्वेकर, गायक सुरेश कुलकर्णी, आदी मान्यवर उपस्थित होते.
सुरेश साखवळकर हे बालगंधर्व संगीत रसिक मंडळाचे गेली २० वर्षे अध्यक्ष असून मंडळाच्या वतीने त्यांनी देशभर विविध संगीत नाटकांचे आयोजन केले आहे. वयाच्या ८०व्या वर्षी देखील आजही सुरेश साखवळकर हे तरुणांना लाजवेल अशा उत्साहाने कार्य करत आहे. ते स्वतः गायक, नाट्य अभिनेते, पत्रकार, संपादक, लेखक, प्रकाशक, हरिभक्त परायण, ज्योतिष, अशा विविध क्षेत्रात आजही कार्यरत आहेत. सुरेश साखवळकर यांना हा पुरस्कार मिळाल्याने सर्वच स्तरातून त्यांचे अभिनंदन होत आहे.
प्रतिनिधी :गणेश नामदेव भेगडे.९९२१८०७०११
