तळेगाव दाभाडे शहरातील ओढे नाले सफाई चे काम युद्ध पातळीवर
तळेगाव दाभाडे : नगरपरिषदेच्या हद्दीतील ओढे नाले येत्या पावसाळ्यापूर्वी साफ करण्याचे काम सध्या वेगाने सुरू आहे. आत्तापर्यंत शहरातील १६ ओढे नाले यांचे सुमारे ९० टक्के काम पूर्ण झाले आहे.१मे २०२५ पासून या कामाला सुरुवात झाली असून १०० टक्के काम येत्या ३०मे पूर्वी पूर्ण होईल असा विश्वास निरीक्षक तुकाराम मोरमारे यांनी व्यक्त केला आहे.
तळेगाव दाभाडे नगर परिषदेचे मुख्य अधिकारी विजयकुमार सरनाईक, उपमुख्य अधिकारी ममता राठोड, विभाग प्रमुख अभियंता अभिषेक शिंदे तसेच स्वच्छता व आरोग्य निरीक्षक प्रमोद फुले, मयूर मिसाळ, तुकाराम मोरमारे, यांच्या मार्गदर्शनाखाली सफाईचे हे काम युद्ध पातळीवर सुरू आहे.
तळेगाव दाभाडे नगरपरिषद ते बनेश्वर मंदिर नगरपरिषद कार्यालय ते श्री नगरीचा पूल ते ज्ञानेश्वर नगर ज्ञानेश्वर नगर ते बनेश्वर स्मशानभूमी बनेश्वर स्मशानभूमी ते वीट भट्टी वीट भट्टी ते रेल्वे पुलापर्यंत तसेच लिली अपारमेंट राव कॉलनी ते निलेश गराडे यांचे घर श्री स्वामी समर्थ मठ यशवंत नगर जवळील नाला भंडारा दर्शन जवळील नाला अंबिका पार्क चा नाला हरणेश्वर वाडीचा नाला. स्वराज नगरीचा नाला थोरला पूल शांताई नगरी फेज २ चा नाला शिक्षक सोसायटी चा नाला हे ओढे व नाले नगरपरिषदेच्या आरोग्य विभागाकडून साफ व स्वच्छ करून घेण्यात आले. तसेच या कामावर देखरेख ठेवण्यासाठी नगरपालिकेचे कर्मचारी राहुल आगळे व पुरुषोत्तम तेली हे देखरेख करत आहेत.
गणेश नामदेव भेगडे.
