तळेगाव दाभाडेचा अभिमान.कु. अल्फीया अन्वर शिकीलकर झाली चार्टर्ड अकाऊंटंट; दीपक भेगडे यांनी भेट देऊन केला सत्कार
तळेगाव दाभाडे : तळेगाव दाभाडे नगरपरिषद चे माजी नगरसेवक अयुबभाई शिकीलकर यांची पुतणी आणि अन्वरभाई शिकीलकर यांची कन्या कु. अल्फीया अन्वर शिकीलकर हिने चार्टर्ड अकाऊंटंट (CA) परीक्षेत यश मिळवत कुटुंबासह संपूर्ण तळेगावचा मान वाढवला आहे. कठोर परिश्रम, चिकाटी आणि जिद्दीच्या जोरावर अल्फीयाने हे उल्लेखनीय यश संपादन केले असून, तिच्या यशाचे सर्वत्र कौतुक व गौरव होत आहे.
या अभिमानास्पद यशानिमित्त तळेगाव दाभाडे प्रभाग क्र. १३ चे इच्छुक नगरसेवक दीपक निवृत्ती भेगडे यांनी अल्फीया शिकीलकर यांच्या निवासस्थानी भेट देऊन तिचा सन्मान व सत्कार केला. यावेळी त्यांनी अल्फीयाचे मनःपूर्वक अभिनंदन करत पुढील वाटचालीसाठी शुभेच्छा दिल्या. दीपक भेगडे म्हणाले, कि अल्फीयाने आपल्या परिश्रमातून समाजातील तरुणांसमोर एक प्रेरणादायी आदर्श ठेवला आहे. तिच्या या यशामुळे तळेगाव दाभाडेचे नाव उज्ज्वल झाले आहे.”
या कार्यक्रमास शिकीलकर जमातचे अध्यक्ष अजीजभाई शिकीलकर, अन्वरभाई शिकीलकर, उद्योजक संदीप भेगडे, गणेश आप्पा भेगडे, रामभाऊ भेगडे, गणेश सातकर, नीरज भेगडे, रियाजभाई शिकीलकर, सोहेल शिकीलकर, साजिदभाई शेख, प्रेमनाथ परदेशी आदी मान्यवर उपस्थित होते.
अल्फीयाने आपल्या यशाचे श्रेय पालकांचे मार्गदर्शन, शिक्षकांचे सहकार्य आणि स्वतःच्या अथक प्रयत्नांना दिले. ती पुढे फाइनान्शियल कन्सल्टंसी आणि ऑडिटिंग क्षेत्रात कार्य करण्याची इच्छा व्यक्त करत आहे.
तळेगाव दाभाडेतील युवक-युवतींसाठी हे यश प्रेरणादायी ठरले असून तिच्या कामगिरीचे सर्वत्र कौतुक व अभिनंदन होत आहे.
प्रतिनिधी :गणेश नामदेव भेगडे.मो९९२१८०७०११
