नायगाव (येवलेवाडी)चे आदर्श शेतकरी पोपट गणपत येवले यांचे निधन
कान्हे, ता. मावळ (वार्ताहर):
मावळ तालुक्यातील नायगाव (येवलेवाडी) येथील आदर्श शेतकरी व सर्वश्रुत व्यक्तिमत्व पोपट गणपत येवले (वय ६७) यांचे बुधवार दि. १० सप्टेंबर २०२५ रोजी आकस्मित निधन झाले. त्यांच्या निधनाने परिसरात हळहळ व्यक्त होत आहे.
पोपट गणपत येवले हे कष्टाळू, प्रामाणिक व साधेपणासाठी ओळखले जात होते. शेती व्यवसायाबरोबरच गावातील सामाजिक उपक्रमात त्यांचा नेहमी सहभाग असायचा. नातेसंबंध जपणारे, मदतीस तत्पर व कुटुंबवत्सल अशी त्यांची ओळख होती.
त्यांच्या पश्चात पत्नी, तीन मुलगे, भाऊ, नातू, जावई, नातवंडे असा मोठा परिवार आहे. जेष्ठ सामाजिक कार्यकर्ते धोडिंबा येवले यांचे ते लहान बंधू होत. तसेच पत्रकार सोपान पोपट येवले यांचे ते वडील होत.
दशक्रिया विधी शुक्रवार दि. १९ सप्टेंबर २०२५ रोजी सकाळी नायगाव (येवलेवाडी) येथील राहत्या घरी पार पडणार आहे.
पोपट गणपत येवले यांच्या निधनाने गावकऱ्यांसह नातेवाईक व मित्रपरिवारात शोककळा पसरली आहे
