- खासदार श्रीरंग बारणे यांच्या सूचनेनुसार खांडी येथे आदिवासी बांधवांसाठी आरोग्य शिबिर
टाकवे : मावळ लोकसभा मतदारसंघाचे खासदार श्रीरंग बारणे यांच्या सूचनेनुसार आरोग्य विभागामार्फत आदिवासी बांधवांसाठी विशेष आरोग्य शिबिराचे आयोजन करण्यात आले. टाकवे बुद्रुक ग्रामीण उपरुग्णालय व कान्हे जिल्हा उपरुग्णालय यांच्या संयुक्त सहकार्याने हे शिबिर अंदर मावळ विभागातील खांडी गावात पार पडले.
या शिबिरात सुमारे २०० नागरिकांनी रक्त तपासणी, मधुमेह तपासणी, डोळ्यांची तपासणी करून घेतली. ग्रामीण भागातील आदिवासी बांधवांसाठी हे शिबिर अत्यंत उपयुक्त ठरले.
शिबिर यशस्वी करण्यासाठी वैद्यकीय अधिकारी डॉ. नागेश ढवळे, डॉ. निशा नागेश, डॉ. राजू तडवी, डॉ. बसवेश्वर हँगरे, डॉ. उमेश काळे, श्रीमती मधुप्रिया ओव्हाळ, अमित बागडे, श्रीमती आरती नाईक, संजय सावंत, अजीम शेख तसेच इतर आरोग्य विभागातील कर्मचाऱ्यांनी विशेष परिश्रम घेतले.
यावेळी शिवसेना मावळ तालुका प्रमुख राजेश खांडभोर, उपतालुकाप्रमुख सोमनाथ कोंडे, अंदर मावळ संघटक रमेश नगरकर, संघटक मदन शेडगे, सरपंच कुंडलिक मिसाळ, माजी सरपंच अनंत पावशे, सदस्य सुभाषराव देशमुख, सतीश सावंत, तानाजी पिंगळे, शिवाजी म्हसे आदी मान्यवर उपस्थित होते.
स्थानिक नागरिकांनी खासदार श्रीरंग बारणे व आरोग्य विभागाचे आभार मानले असून, आदिवासी बांधवांच्या आरोग्याच्या दृष्टीने असे शिबिर पुढेही आयोजित करण्याची मागणी व्यक्त केली.
(प्रतिनिधी : गणेश नामदेव भेगडे ९९२१८०७०११)
