मावळ तालुक्यातील ग्रामपंचायती साठी २०२५ते २०३० या कालावधीतील सरपंच आरक्षण सोडत जाहीर. भेगडे लॉन्स येथील सभागृहात सरपंच आरक्षण सोडत कार्यक्रम
वडगाव मावळ : मावळचे तहसीलदार विक्रम देशमुख यांच्या पत्रकानुसार( क्रमांक:प्रा प /कवि /१८१/२०२५ दिनांक ८जुलै २०२५) हा महत्वपूर्ण सरपंच आरक्षण सोडत कार्यक्रम शुक्रवार दिनांक ११जुलै २०२५ रोजी दुपारी १२: वाजता वडगाव मावळ येथील भेगडे लॉन्स सभागृहात पार पडणार आहे.
पंचायत राज व्यवस्थेनुसार ग्रामपंचायतीतील नेतृत्वात सर्व समावेशकता यावी या हेतूने सरपंच पदासाठी अनुसूचित जाती. जमाती. मागासवर्ग व महिलांसाठी आरक्षण देण्यात येते. त्यां नुसार दिनांक ५ मार्च २०२५ते ४मार्च २०३० या कालावधीत मावळ तालुक्यातील अनुसूचित क्षेत्र व बिगर अनुसूचित क्षेत्रातील ग्रामपंचायत साठी सरपंच पद आरक्षण सोडतीचा कार्यक्रम निश्चित करण्यात आला असून ग्रामपंचायतीतील सरपंच पदासाठी अनुसूचित जाती-जमाती. मागासवर्गीय नागरिक व महिलांसाठी आरक्षण करण्यात येणार आहे.
गटविकास अधिकारी के के प्रधान यांनी या संदर्भात दिलेल्या पत्रकात हे स्पष्ट केले आहे. आरक्षण सोडती संदर्भात प्रत्येक गावात जाहीर दवंडीद्वारे सूचना द्यावी. तसेच ग्रामपंचायतच्या फलकावर आरक्षणाबाबतची माहिती प्रदर्शित करावी जेणेकरून ग्रामस्थांना आरक्षणासंदर्भात संपूर्ण माहिती प्राप्त होईल. तसेच मावळ तालुक्यातील लोकप्रतिनिधींना. ग्रामपंचायत सदस्यांना याबाबत लेखी स्वरूपात माहिती दिली जावी. व या संदर्भातील प्रसिद्धी अहवाल गुरुवार दिनांक १०जुलै २०२५ रोजी दुपारपर्यंत पंचायत समिती कार्यालयात सादर करावा अशा सूचना या पत्रकार द्वारे देण्यात आल्या आहेत.
प्रतिनिधी =गणेश नामदेव भेगडे. ९९२१८०७०११
