वडगांव – केशवनगर परिसरात बिबट्याची चलबिचल; वनविभाग सतर्क, ग्रामस्थांमध्ये भीतीचे वातावरण
वडगांव मावळातील केशवनगर भागात आज सकाळी बिबट्या दिसल्याने परिसरात एकच खळबळ उडाली आहे. पंढरीनाथ ढोरे यांच्या उसाच्या शेतात बिबट्या फिरत असल्याचे शेतकरी जितेंद्र केशवराव ढोरे यांनी प्रत्यक्ष पाहिले. अचानक समोर आलेल्या या घटनेनंतर त्यांनी तातडीने इतर शेतकरी व ग्रामस्थांना सावधानतेचा इशारा दिला.
माहिती मिळताच वनविभागाचे पथक तातडीने घटनास्थळी दाखल झाले. प्राथमिक तपासात बिबट्या काही वेळ शेतात थांबून नंतर जंगलाच्या दिशेने निघून गेल्याचा अंदाज व्यक्त करण्यात आला आहे. पथकाने सध्या ठसे व हालचालींचा मागोवा घेण्याचे काम सुरू केले आहे.
घटनेमुळे केशवनगर तसेच वडगाव शहरात भीतीचे सावट पसरले असले तरी, स्थानिक शेतकरी पंढरीनाथ ढोरे यांनी नागरिकांना घाबरून जाऊ नये, शांत राहावे आणि वनविभागाशी सहकार्य करावे, असे आवाहन केले आहे. त्यांनी अनावश्यक गर्दी न करण्याची आणि अफवा न पसरवण्याची विनंतीही केली.
वनविभागाने नागरिकांना खालील सावधगिरीच्या सूचना दिल्या आहेत—
वनविभाग व स्थानिक प्रशासन परिस्थितीवर पूर्ण लक्ष ठेवून असून गस्त वाढवण्यात आली आहे. दरम्यान, नागरिकांनी शांत राहून अधिकाऱ्यांना सहकार्य करण्याचे आवाहन करण्यात आले आहे.
