टाकवे बुद्रुक हद्दीतील स्टोन क्रेशर बंद करण्याची ग्रामस्थांची तिव्र मागणी; पर्यावरण, आरोग्य आणि रस्त्यांची स्थिती चिंताजनक
टाकवे बुद्रुक (मावळ): मावळ तालुक्यातील टाकवे बुद्रुक हद्दीतील स्थानिक ग्रामस्थांनी आपल्या परिसरातील स्टोन क्रेशर बंद करण्यासाठी एक अत्यंत महत्त्वाची ग्रामसभा आयोजित केली. या ग्रामसभेत सर्व ग्रामस्थांनी एकमताने प्रशासनाकडे क्रेशर बंद करण्याची मागणी केली. ग्रामस्थांचे म्हणणे आहे की, या क्रेशरच्या कार्यामुळे आसपासच्या परिसरात अनेक गंभीर समस्या निर्माण होत आहेत, ज्यामुळे त्यांचे आरोग्य, पर्यावरण आणि रोजच्या जीवनावर दुष्परिणाम होऊ लागले आहेत.
ग्रामस्थांचा मुख्य आरोप आहे की, स्टोन क्रेशरमुळे प्रचंड प्रदूषण वाढत आहे. विशेषतः धूळ, वायू प्रदूषण आणि आवाजाच्या प्रदूषणामुळे परिसरात श्वसनाचे विकार आणि इतर आरोग्य समस्या वाढली आहेत. ग्रामस्थांचे म्हणणे आहे की, धूळ मुळे श्वसनाशी संबंधित विकार, अस्थमा आणि इतर गहिऱ्या आरोग्याच्या समस्यांची शक्यता आहे. अशा परिस्थितीत, आरोग्याच्या दृष्टीने हा अत्यंत चिंताजनक मुद्दा आहे.
टाकवे बुद्रुक परिसरात स्थित आंद्रा धरण प्रकल्पाच्या सुरक्षिततेबाबतही ग्रामस्थांनी चिंता व्यक्त केली आहे. त्यांचे म्हणणे आहे की, स्टोन क्रेशरमुळे होणाऱ्या प्रदूषणामुळे धरण प्रकल्पाला मोठा धोका निर्माण होऊ शकतो. प्रदूषणामुळे जलस्रोतांवर नकारात्मक परिणाम होण्याची भीती आहे, ज्यामुळे भविष्यात पाणीपुरवठ्याच्या अडचणी निर्माण होऊ शकतात.
याशिवाय, ग्रामस्थांचे आणखी एक महत्त्वपूर्ण मुद्दा म्हणजे स्टोन क्रेशरमुळे रस्त्यांची स्थिती अत्यंत बिकट झाली आहे. अवजड वाहनांच्या वाहतुकी मुळे रस्त्यांवर मोठ्या प्रमाणावर धूळ पसरते, ज्यामुळे स्थानिक नागरिकांना शारीरिक त्रास सहन करावा लागतो. रस्त्यांवर वाहतुकीची अराजकता आणि खड्डे यामुळे नियमित प्रवास करताना ग्रामस्थांना अनेक अडचणींना सामोरे जावे लागते
स्टोन क्रेशरमुळे शेतजमिनीच्या सुपीकतेवर देखील नकारात्मक परिणाम होत असल्याचा ग्रामस्थांचा दावा आहे. स्टोन क्रेशरमधील स्फोटकांच्या वापरामुळे घरांचे नुकसान होण्याची शक्यता आहे. तसेच पिकांचे नुकसान होण्याची भीती व्यक्त केली जात आहे, ज्यामुळे शेतीवर अवलंबून असलेल्या ग्रामस्थांना मोठा फटका बसू शकतो.
ग्रामस्थांनी एकमताने प्रशासनावर तिव्र दबाव टाकला आहे की, या स्टोन क्रेशरच्या कार्यावर तात्काळ बंदी घालण्यात यावी. त्यांनी प्रशासनाला यावर गंभीरपणे विचार करून लवकरात लवकर कार्यवाही करण्याची मागणी केली आहे. ग्रामस्थांचे म्हणणे आहे की, त्यांचे आरोग्य, पर्यावरण आणि जीवनमान यांचे संरक्षण करणे हे प्रशासनाची प्राथमिक जबाबदारी आहे.
ग्रामस्थांच्या आरोग्य, पर्यावरण आणि सुरक्षिततेच्या दृष्टीने स्टोन क्रेशरच्या कार्यावर त्वरित बंदी घालण्याची गरज आहे. प्रशासनाने या समस्येवर त्वरित लक्ष देऊन सुस्पष्ट धोरण राबवले पाहिजे, ज्यामुळे स्थानिक लोकांचे जीवन सुस्थितीत राहील.
प्रतिनिधी=गणेश नामदेव भेगडे.मो९९२१८०७०११
