अनेक वर्षांपासून प्रलंबित असलेली बेबड ओहोळ ते निगडी बससेवा सुरू
बेबड ओहोळ : मावळ तालुक्यातील बेबडओहोळ ग्रामस्थांची अनेक वर्षांपासून प्रलंबित मागणी अखेर पूर्णत्वास आली आहे. रविवार दिनांक १७ ऑगस्ट रोजी बेबडओव्होळ येथे बेबडओव्होळ ते निगडी PMPML बससेवेचा शुभारंभ झाला. या उपक्रमामुळे ग्रामस्थांना दिलासा मिळाला असून दैनंदिन प्रवास अधिक सोयीस्कर होणार आहे.
बससेवेच्या शुभारंभ प्रसंगी मावळचे खासदार श्रीरंग बारणे, डेपो मॅनेजर अशोक साबळे, बस चेकर श्रीहरी ढाकणे, संत तुकाराम सहकारी साखर कारखान्याचे संचालक, हरिभक्त परायण छबन महाराज कडू, शिवसेना तालुका प्रमुख राजु खांडभोर, उपतालुका प्रमुख राम सावंत, चंद्रकांत भोते, युवासेना मावळ लोकसभा अध्यक्ष विशाल हुलावळे, युवासेना तालुका प्रमुख राजेश वाघोले, सरपंच तेजलताई राकेश घारे, उपसरपंच ज्योतीताई घारे, त्र्यंबक घारे, नथुराम झांबरे, संदीप ढमाले, भरत घारे, श्रीकांत जाधव, नवनाथ हरपुडे, प्रवीण ढोरे, दिपक घारे, मदन शेडगे यांच्यासह ग्रामस्थ मोठ्या संख्येने उपस्थित होते.
या नव्या बससेवेचा शालेय व महाविद्यालयीन विद्यार्थ्यांना मोठा फायदा होणार आहे. यामुळे त्यांचा शहरी भागातील शिक्षणासाठीचा प्रवास सोपा होईल. त्याचप्रमाणे कामगार व नोकरदार वर्गालाही निगडी व परिसरात जाण्या-येण्यासाठी सुरक्षित व किफायतशीर सुविधा उपलब्ध झाली आहे. गाव–शहर दुवा मजबूत होत असल्याने सामाजिक-आर्थिक विकासालाही चालना मिळेल, असा विश्वास ग्रामस्थांनी व्यक्त केला.
प्रतिनिधी =गणेश नामदेव भेगडे. ९९२१८०७०११
