आगामी निवडणुका महायुतीच्या माध्यमातून लढवा- सुरेश धोत्रे
तळेगाव दाभाडे : आगामी नगर परिषदेची निवडणूक महायुतीच्या माध्यमातून लढविण्यात यावी असे आवाहन तळेगाव शहर राष्ट्रवादी काँग्रेसचे अध्यक्ष सुरेश धोंडीबा धोत्रे यांनी केले आहे. राज्य शासनात यशस्वीपणे कार्यरत असलेली भाजप- शिवसेना- राष्ट्रवादी काँग्रेस महायुतीच्या माध्यमातून जनहितासाठी प्रभावीपणे काम करत आहे.
राज्य पातळीवरही महायुतीतील सर्व पक्षांनी आगामी स्थानिक स्वराज्य संस्थांच्या निवडणुका सामंजस्य आणि सहकार्याच्या तत्त्वावर लढण्याचे धोरण आखले आहे. नुकतीच तळेगाव दाभाडे शहरात राष्ट्रवादी काँग्रेस पक्षाची सुकाणू समितीची बैठक संपन्न झाली. या बैठकीत सर्व मान्यतेने आगामी नगरपरिषद निवडणूक महायुती म्हणून लढविण्याचा निर्णय घेण्यात आला.
महायुतीच्या माध्यमातून जनतेच्या अपेक्षा पूर्ण करण्यासाठी स्थानिक नेतृत्वात स्पष्टता. एक संधता आणि विश्वासार्हता ठेवणे अत्यंत गरजेचे आहे. तळेगाव शहराच्या सर्वांगीण विकासासाठी आणि महायुतीच्या यशस्वी वाटचालीसाठी सर्वजण सक्रिय सहकार्य करतील असा विश्वास कोअर कमिटीला असल्याची माहिती सुरेश धोत्रे यांनी दिली.
प्रतिनिधी =गणेश नामदेव भेगडे. ९९२१८०७०११
