सर सेनापती उमाबाई दाभाडे प्राथमिक कन्या शाळा क्रमांक चार यांच्याकडून आषाढी एकादशी निमित्त दिंडी सोहळ्याचे आयोजन
तळेगाव दाभाडे : येथील सरसेनापती उमाबाई साहेब दाभाडे प्राथमिक कन्या शाळा क्रमांक चार येथे तळेगाव दाभाडे नगर परिषदेच्या प्रशासन अधिकारी शिल्पा रोडगे यांच्या मार्गदर्शनाखाली आषाढी एकादशी निमित्त बालदिंडीचे आयोजन करण्यात आले. कन्या शाळेतील बाल वारकरी भक्ती रसात दंग होऊन जय जय राम कृष्ण हरी गजर करीत दिंडी सोहळ्यात सहभागी झाले होते.
ही बालदिंडी तळेगाव दाभाडे येथील शाळा चौक या ठिकाणी असणाऱ्या ऐतिहासिक विठ्ठल मंदिरात व माळी आळी येथील विठ्ठल मंदिरात सदरील दिंडी पोहोचली. दोन्ही विठ्ठल मंदिरात दिंडी मधील बाल वारकऱ्यांनी भजन, अभंग, फुगड्या याचा मनमुराद आनंद लुटला.
या दिंडी पालखी सोहळ्याचे नियोजन शाळेच्या मुख्याध्यापिका अनिता तिकोणे, वैशाली साबळे, ताहेरा बासडे, निकिता शितोळे, सोनाली घाटे, प्राची लोमटे यांनी केले. तळेगाव दाभाडे शहरातील सामाजिक कार्यकर्ते रवींद्र दाभाडे यांनी बाल वारकरी विद्यार्थ्यांना प्रसाद वाटप केले. शहरातून निघालेली ही बालदिंडी पाहण्यासाठी नागरिक दिंडी मार्गावर उपस्थित होते.
प्रतिनिधी = गणेश नामदेव भेगडे.९९२१८०७०११
