तळेगाव दाभाडे शहरात राष्ट्रीय डेंगू दिनानिमित्त रॅली काढण्यात आली
तळेगाव दाभाडे : १६ मे हा दिवस राष्ट्रीय डेंगू दिवस असतो. राष्ट्रीय डेंगू दिनानिमित्त तळेगाव दाभाडे शहरात मावळ तालुका आरोग्य कर्मचाऱ्यांच्या वतीने जनजागृती रॅली काढण्यात आली. या रॅलीमध्ये मावळ तालुक्यातील सर्व आरोग्य निरीक्षक, आरोग्य सेवक, आरोग्य सेविका, प्रयोगशाळा वैज्ञानिक अधिकारी यांच्यासह आरोग्य विभागाचे सर्व अधिकारी व कर्मचारी सहभागी झाले होते. तळेगाव दाभाडे प्राथमिक आरोग्य केंद्र येथे सर्व कर्मचाऱ्यांनी डास निर्मूलनाची प्रतिज्ञा घेतली रॅलीमध्ये नागरिकांनी आठवड्यातून एक दिवस कोरडा दिवस पाळावा असे आवाहन करण्यात आले.
तसेच गप्पी माशांचे महत्त्व सांगण्यात आले. जिल्हा आरोग्य अधिकारी डॉ सचिन देसाई, जिल्हा हिवताप अधिकारी डॉ अर्पणा पाटील, मावळ तालुका आरोग्य अधिकारी डॉ सोनवणे मॅडम, प्राथमिक आरोग्य केंद्राचे वैद्यकीय अधिकारी डॉ भारती पोळ, मावळ तालुका आरोग्य पर्यवेक्षक डी डी ठोंबरे त्यांच्या मार्गदर्शनाखाली शहरात डेंगू दिनानिमित्त जनजागृती पर कार्यक्रम राबविण्यात आले. सदरील रॅलीमध्ये आशा सेविका. व तळेगाव जनरल नर्सिंग कॉलेजचे विद्यार्थी यांनी विविध घोषणा देत राष्ट्रीय कीटकजन्य रोग नियंत्रण कार्यक्रमाची माहिती देणारे फलक दाखविले
गणेश नामदेव भेगडे
