वडगाव सोसायटीच्या अध्यक्षपदी नारायण ढोरे यांची बिनविरोध निवड
वडगाव मावळ: वडगाव विविध कार्यकारी सोसायटीच्या मागील अध्यक्ष व उपाध्यक्ष यांनी आपल्या पदाचे राजीनामे दिल्याने रिक्त झालेल्या पदांसाठी निवडणूक घेण्यात आली या निवडणुकीत वडगाव विविध सहकारी सोसायटीच्या अध्यक्षपदी नारायण मारुती ढोरे यांची निवड करण्यात आली तर उपाध्यक्षपदी चंद्रकांत गजानन खांदवे यांची बिनविरोध निवड करण्यात आली.
निवडणूक निर्णय अधिकारी आर के निखारे यांच्या मार्गदर्शनाखाली निवडणूक प्रक्रिया पार पडली. सहाय्यक म्हणून सचिव विजय कालेकर यांनी काम पाहिले.ढोरे व खांदवे यांची निवड झाल्याबद्दल सर्वत्र त्यांचे अभिनंदन होत आहे विविध क्षेत्रातील कार्यकर्त्यांनी त्यांची भेट घेऊन त्यांना पुढील वाटचालीसाठी शुभेच्छा दिल्या.
