तळेगाव नगरपालिकेवर कुणाचा झेंडा फडकणार ?
तळेगाव दाभाडे : नगरपालिका निवडणुका लवकरच येऊ घातल्या असून तळेगाव नगरपालिकेवर कुणाचा झेंडा फडकणार याविषयी चर्चांना उधाण आले आहे. २०१६ साली झालेल्या निवडणुकीत स्व. किशोर आवारे यांच्या जनसेवा विकास समितीने भारतीय जनता पक्षाच्या हातात हात घालून सत्ता हस्तगत केली होती.
यावेळी किशोर आवारे नसल्याने जनसेवा विकास समितीची भूमिका अध्यापही स्पष्ट झालेली नाही. त्यामुळे सत्तेच्या चाव्या कोणाच्या हातात जाणार याची सर्वांनाच उत्सुकता आहे. मावळचे विद्यमान आमदार सुनील शेळके हे तळेगाव नगरपालिकेवर नियंत्रण गाजवायला आतुर आहेत हे सूर्यप्रकाशा इतके स्वच्छ आहे.
याउलट महायुतीचा घटक पक्ष असलेल्या भाजप मावळात आमदार सुनील शेळके च्या अर्थात राष्ट्रवादीच्या विरोधात काम करत होता. त्यामुळे युतीचा समझोता तळेगाव दाभाडे नगरपालिका निवडणुकीत टिकतो का? ते पहावे लागेल.
प्रतिनिधी :गणेश नामदेव भेगडे.
