वडगाव नगरपंचायत निवडणूक : भारतीय जनता पार्टीची पहिली यादी जाहीर

वडगाव नगरपंचायत निवडणूक : भारतीय जनता पार्टीची पहिली यादी जाहीर

वडगाव मावळ │ वडगाव नगरपंचायत सार्वत्रिक निवडणूक 2025 च्या पार्श्वभूमीवर भारतीय जनता पार्टीने नगराध्यक्ष आणि नगरसेवक पदांसाठी पहिली अधिकृत उमेदवार यादी जाहीर केली. निवडणूक प्रभारी भास्करराव म्हाळसकर यांनी ही यादी जाहीर करताच भाजपच्या कार्यकर्त्यांमध्ये उत्साहाची लहर पाहायला मिळाली.

याप्रसंगी जिल्हा परिषदेचे माजी सभापती बाबुराव वायकर, भाजपचे ज्येष्ठ नेते अविनाश बवरे, शिवसेना (एकनाथ शिंदे गट) जिल्हाप्रमुख राजेश खांडभोर, माजी जिल्हा परिषद सदस्य शेखर भोसले, सुभाषराव जाधव, तुकाराम काटे, नारायण ढोरे, विजय जाधव, बंडोपंत भेगडे, संभाजी म्हाळसकर, सुधाकर ढोरे आदी मान्यवर उपस्थित होते.

राष्ट्रवादी (शरद पवार गट) नेत्यांचा भाजपमध्ये प्रवेश

कार्यक्रमात महत्त्वाचा क्षण म्हणजे मावळ तालुका युवक राष्ट्रवादी काँग्रेस (शरद पवार गट) अध्यक्ष विशाल वहीले आणि माजी उपनगराध्यक्ष पूजा वहीले यांनी अधिकृतरित्या भारतीय जनता पार्टीमध्ये प्रवेश करून भाजपला मोठी शक्ती दिली. त्यांच्या प्रवेशामुळे मावळ तालुक्यातील राजकीय समीकरणांमध्ये बदल होण्याची शक्यता वर्तवली जात आहे.

नगराध्यक्ष पदासाठी उमेदवारी

• मृणाल गुलाबराव म्हाळसकर – नगराध्यक्ष

नगरसेवक पदासाठी जाहीर झालेले उमेदवार (पहिली यादी)

भाजपच्या शक्तिप्रदर्शनाने निवडणुकीची रंगत वाढली

यादी जाहीर होताच वडगाव शहरात राजकीय हालचालींना वेग आला आहे. अनेक वार्डांमध्ये भाजपने नव्या चेहऱ्यांसोबत अनुभवी नेतृत्वालाही संधी दिल्याने पक्षाची निवडणूक रणनीती मजबूत करण्याचा प्रयत्न दिसून येत आहे.

भाजपच्या या पहिल्या यादीमुळे वडगाव नगरपंचायत निवडणुकीची लढत आणखी उत्सुकतेची बनली असून लवकरच दुसरी यादीही जाहीर होण्याची शक्यता वर्तवली जात आहे.

सह्याद्री नामा