इंदुरी–वराळे गटात महिलांचा कौल पल्लवीताई दाभाडे प्रचंड मतांनी विजयी होणार असल्याचा विश्वास
इंदुरी (ता. मावळ): इंदुरी–वराळे जिल्हा परिषद गटात राष्ट्रवादी काँग्रेसच्या अधिकृत उमेदवार पल्लवीताई संदीप दाभाडे यांना महिलांचा प्रचंड पाठिंबा मिळत असून, महिला मतदारांचा निर्णायक कौल त्यांच्या बाजूने असल्याचे स्पष्ट होत आहे. महिलांच्या सक्षमीकरणासाठी सातत्याने केलेल्या कामामुळे पल्लवीताई दाभाडे या प्रचंड मताधिक्याने विजयी होतील, असा ठाम विश्वास परिसरातील नागरिकांकडून व्यक्त केला जात आहे.
महिला बचतगटांचे सशक्तीकरण, स्वयंरोजगारासाठी प्रशिक्षण, घरगुती उद्योगांना बाजारपेठ उपलब्ध करून देणे, तसेच आर्थिकदृष्ट्या दुर्बल महिलांना शासकीय योजनांचा थेट लाभ मिळवून देण्यासाठी पल्लवीताईंनी आजवर प्रभावी भूमिका बजावली आहे. त्यांच्या या कामाची दखल घेत इंदुरी, वराळे, तसेच परिसरातील अनेक गावांमधील महिला बचतगट, अंगणवाडी सेविका, आशा वर्कर्स आणि महिला कार्यकर्त्या खुलेपणाने त्यांच्या पाठीशी उभ्या राहिल्या आहेत.
ग्रामीण भागातील महिलांना भेडसावणारे पाणीटंचाई, आरोग्य सुविधा, मुलींचे शिक्षण, सुरक्षित वाहतूक व स्वच्छतेसारखे प्रश्न पल्लवीताई दाभाडे यांनी प्रचारादरम्यान प्राधान्याने मांडले आहेत. “महिला सक्षम झाल्या तर कुटुंब, समाज आणि गावाचा विकास होतो,” हा त्यांचा विचार महिलांना भावत असून, त्यांच्या प्रचार सभांना महिलांची लक्षणीय उपस्थिती दिसून येत आहे.
विशेष म्हणजे आमदार सुनील शेळके यांच्या मार्गदर्शनाखाली महिलाभिमुख विकासाचा अजेंडा अधिक बळकट होत असून, जिल्हा परिषदेत महिलांचा प्रभावी आवाज निर्माण करण्याची खात्री पल्लवीताई दाभाडे देत आहेत. महिलांसाठी आरोग्य शिबिरे, कौशल्य विकास केंद्रे, महिला सुरक्षा व सन्मान योजनांची प्रभावी अंमलबजावणी हे मुद्दे त्यांच्या प्रचाराचे केंद्रबिंदू ठरत आहेत.
स्थानिक महिलांचे मत आहे की, “पल्लवीताई आमच्यातीलच आहेत. आमच्या अडचणी समजून घेणारे आणि सोडवण्यासाठी धडपड करणारे नेतृत्व म्हणून आम्हाला त्यांच्यावर पूर्ण विश्वास आहे.”
युवती, गृहिणी, महिला शेतकरी व कामगार महिलांमध्येही पल्लवीताई दाभाडे यांच्याबाबत सकारात्मक वातावरण असून, निवडणुकीत महिलांचा निर्णायक पाठिंबा त्यांना विजयाकडे नेईल, असे चित्र दिसत आहे.
एकूणच इंदुरी–वराळे गटात महिलांच्या मुद्द्यांवर ठाम भूमिका आणि विश्वासार्ह कार्यामुळे राष्ट्रवादी काँग्रेसच्या उमेदवार पल्लवीताई संदीप दाभाडे यांचा विजय निश्चित मानला जात असून, त्या प्रचंड मतांनी निवडून येतील, असा विश्वास व्यक्त केला जात आहे.
