वडगाव प्रभाग १७ मध्ये मृणाल म्हाळसकर यांचा प्रचार दौरा; अर्चनाताई म्हाळसकरांना उत्स्फूर्त प्रतिसाद
वडगाव │ नगरपंचायत निवडणुकीच्या पार्श्वभूमीवर भारतीय जनता पार्टीच्या नगराध्यक्ष पदाच्या उमेदवार मृणाल गुलाबराव म्हाळसकर यांनी प्रभाग क्रमांक १७ मध्ये सक्रिय उमेदवार अर्चनाताई म्हाळसकर यांच्या सोबत घरोघरी भेटी देत प्रचाराचा जोर वाढविला. प्रभागातील नागरिकांकडून दोन्ही उमेदवारांना उत्स्फूर्त प्रतिसाद मिळाला.
प्रचार दौऱ्यात मृणाल म्हाळसकर आणि अर्चनाताई यांनी नागरिकांशी थेट संवाद साधत त्यांच्या समस्या, अपेक्षा आणि स्थानिक पातळीवरील प्रश्न ऐकून घेतले. नागरिकांनी मांडलेल्या अडचणींची नोंद घेत ती सोडवण्याबाबत सकारात्मक भूमिका मांडल्याने स्थानिकांमध्ये समाधान व्यक्त होत असल्याचे दिसून आले.
अर्चनाताई म्हाळसकर या प्रभाग १७ च्या सर्वांगीण विकासासाठी कटिबद्ध असल्याचे सांगण्यात आले. पाणीपुरवठा, रस्ते-दुरुस्ती, स्वच्छता, महिलांसाठी उपक्रम, वरिष्ठ नागरिकांसाठी सुविधा आणि तरुणांसाठी संधी या महत्त्वाच्या मुद्यांवर काम करण्याची तयारी असल्याचे त्यांनी नागरिकांना सांगितले.
मृणाल म्हाळसकर म्हणाल्या, “प्रभागातील प्रत्येक घरामधील नागरिकांनी दिलेले प्रेम आणि विश्वास आमच्यासाठी प्रेरणादायी आहे. अर्चनाताईंच्या नेतृत्वाखाली प्रभाग १७ ला नवीन दिशा आणि ऊर्जा मिळेल.”
प्रभाग क्रमांक १७ मध्ये झालेल्या या प्रचार दौऱ्यामुळे निवडणुकीचे वातावरण आणखी रंगतदार झाले असून मतदार संपर्क मोहिमेला गती मिळाल्याचे स्पष्ट होत आहे.
