सोमाटणे ते परंदवडी रस्त्यावर तडीपार केलेल्या गुन्हेगाराकडून गांजा जप्त
सोमाटणे: पुणे जिल्ह्यातून दोन वर्षांसाठी तडीपार केलेल्या गुन्हेगाराकडून बेकायदेशीररित्या तीन किलोहून अधिक गांजा बाळगल्याप्रकरणी त्या गुन्हेगाराला अटक करण्यात आली. ही कारवाई शनिवारी दिनांक १३ सप्टेंबर२०२५रोजी रात्री ९:१५ वाजण्याच्या सुमारास सोमाटणे फाटा ते परंदवडी रोडवर मुंबई-पुणे एक्स्प्रेस हायवेवरील पुलाजवळ करण्यात आली.
याबाबत पोलीस हवालदार प्रशांत पवार यांनी तळेगाव दाभाडे पोलिस ठाण्यात फिर्याद दिली आहे. त्यानुसार अक्षय घनश्याम भालेराव (३१, रावेत) याला अटक करण्यात आली आहे.
पोलिसांनी दिलेल्या माहितीनुसार, पोलिसांनी आरोपी अक्षय भालेराव याला ताब्यात घेतले. त्याच्याकडे ३१२३ ग्रॅम वजनाचा, १,५६,१५० रुपये किमतीचा गांजा हा अंमली पदार्थ बेकायदेशीररित्या विक्रीसाठी बाळगलेला आढळून आला. आरोपीला यापूर्वीच पुणे जिल्ह्यातून दोन वर्षांसाठी तडीपार करण्यात आले होते. तरीही या गुन्हेगाराने तडीपारीचा आदेश रद्द न करता किंवा परवानगी न घेता शहरात प्रवेश केला. आरोपीने हा गांजा धुळे येथून स्वतः जाऊन आणल्याचे सांगितले आहे. तळेगाव दाभाडे पोलिस पुढील तपास करत आहेत.
पोलिसांच्या या उत्कृष्ट कामगिरीचे सर्वत्र कौतुक होत आहे.
प्रतिनिधी=गणेश नामदेव भेगडे.९९२१८०७०११
